पुणे : मराठी विज्ञान परिषद, पुणे विभाग (मविप), मुक्तांगण विज्ञान शोधिका केंद्र व महाराष्ट्र नॉलेज कॉर्पोरेशन लिमिटेड (एमकेसीएल) यांच्या संयुक्त विद्यमाने २४ फेब्रुवारी २०१८ रोजी वैज्ञानिक कट्ट्याचे आयोजन करण्यात आले आहे. प्रा. डॉ. रत्नदीप जोशी या कट्ट्यावर येणार असून, ‘दैनंदिन जीवनात रासायनिक अभियांत्रिकीचा वापर’ या विषयावर ते संवाद साधणार आहेत.
शनिवार, दिनांक २४ फेब्रुवारी २०१८ रोजी दुपारी चार वाजता सेनापती बापट रस्त्यावरील ‘मुक्तांगण विज्ञान शोधिका केंद्रा’च्या सभागृहात हे व्याख्यान होणार आहे. हा कार्यक्रम सर्वांसाठी विनामूल्य खुला आहे. अधिकाधिक विज्ञानप्रेमींनी त्याचा लाभ घ्यावा, असे आवाहन विज्ञान परिषदेचे कार्याध्यक्ष विनय र. र. यांनी केले आहे.
कार्यक्रमाविषयी :
दिनांक : शनिवार, २४ फेब्रुवारी २०१८
वेळ : दुपारी चार वाजता
स्थळ : विज्ञान शोधिका – एक्सप्लोरेटरी, भारतीय विद्या भवन समोर, सेनापती बापट मार्ग, पुणे